د فزیک د څانګې په عصري لابراتوار کې د فوتوالېکټریک اغېز د الې فعالول
د ساینس پوهنځي د فزیک دیپارتمنټ په عصري لابراتوار کې د فوتوالېکټریک اثر اله رسماً فعاله شوه.
دا اله د عصري فزیک په برخه کې له مهمو وسایلو څخه ده او د فوتوالېکټریک اثر د پدیدې د څېړلو، د رڼا د شدت او فریکانس د اړیکې د مطالعې له لارې د نشر شویو الېکترونونو د انرژۍ معلومولو، د پلانک قانون او بنسټیز ثابت h د ارزونې او همدارنګه د محصلانو د څېړنیزو تجربو او پروژو لپاره کارول کېږي.
د دې الې فعالول د فزیک دیپارتمنټ د عصري لابراتوار په زده کړو کې د کیفیت د ښهوالي او د څېړنیزو فعالیتونو په پیاوړتیا کې یو مهم ګام بلل کېږي.
د هرات پوهنتون د ساینس پوهنځي مسؤلینو د لوړو زده کړو وزارت او د پوهنتون ریاست له پاملرنې څخه په مننې سره د دغو همکاریو د دوام او د لا زیات ملاتړ غوښتنه وکړه، څو د دې پوهنځي د تحصیلي او څېړنیز کیفیت د لوړولو لړۍ نوره هم پیاوړې شي.
