د عامه ادارې او عامه پالیسۍ پوهنځي د مخکښو استادانو او محصلانو ستاینه وشوه.
د عامه ادارې او عامه پالیسۍ پوهنځي له خوا په یوه ځانګړي محفل کې د دې پوهنځي مخکښ استادان او محصلان وستایل شول او تقدیر ترې وشو.
په دې پروګرام کې استادان د ۱۴۰۴ کال د خزاني سمستر د اکاډمیکو فعالیتونو د ارزونې پر بنسټ وپېژندل شول، او همدارنګه هغه محصلان چې د مقالې لیکنې او وینا (فن بیان) په سیالیو کې یې ګډون کړی او غوره لاسته راوړنې یې لرلې، تقدیر شول.
همدارنګه د هرات پوهنتون مخکښ محصل، چې د عامه ادارې او عامه پالیسۍ پوهنځي پورې اړه لري، هم په دې محفل کې وستایل شو او درناوی یې وشو.
