د افغانستان اسلامي امارت د طبي شورا پلاوي سره لیدنه
د هرات پوهنتون رئیس شیخ الحدیث ابوالحکمت مفتي عبدالغفار په داسې حال کې چې د پوهنتون علمي مرستیال پوهندوی مولوي عبدالعزیز نعماني، د هرات پوهنتون مالي او اداري مرستیال ملا انعام الله انعام هم حضور درلود د افغانستان اسلامي امارت د طبي شورا پلاوي سره لیدنه وکړه او د هغې په ترڅ کې یې د افغانستان د طبي شورا د حوزوي دفترونو د فعالولو او پرانیستلو په اړه خبرې او د نظریاتو تبادله وکړه او د هرات پوهنتون له ریاست څخه د هراړخیزو همکاریو غوښتونکی شو.
د هرات پوهنتون رئیس شیخ الحدیث ابوالحکمت مفتي عبدالغفار مېلمنو ته د ښه راغلاست ویلو ترڅنګ، په هرات ولایت کې د افغانستان د طبي شورا رامنځته کول مریضانو ته د خدماتو وړاندې کولو په پار او همدارنګه د هېواد د مسلکي طبیبانو له حقوقو څخه دفاع اړینه اړتیا وبلله او ډاډ یې ورکړ چې هرات پوهنتون به په ټولو امکاناتو د دې شورا سره همکاري وکړي.
