د اسلامي نظام د پېژندنې لويه ازموينه واخيستل شوه.
د هرات پوهنتون د عامه پوهاوي او اړيکو امريت دا ازموينه د هرات پوهنتون د رئيس شيخ الحديث ابوالحکمت مفتي عبدالغفار، د محصلانو چارو مرستيال پوهندوی غلام حضرت حساس، اداري کارکوونکو او د دې ازموينې د ګډونوالو په حضور کې د هرات پوهنتون د لوبو په لوبغالي کې واخيسته.
په دې ازموينه کې له بېلابېلو پوهنځيو څخه ګڼو محصلینو ګډون کړی وو، د دې مسابقې وړونکو ته به جائزې هم ورکړل شي.
ددې محفل په پرانيستغونډه کې د هرات پوهنتون رئيس شيخ الحديث ابوالحکمت مفتي عبدالغفار د خپلې وينا په ترڅ کې وويل چې د اسلامي نظام پېژندنه د هر مسلمان ديني او اخلاقي وجيبه ده. هغه دغه راز د دې نظام پر ارزښت هم خبرې وکړې. ده وويل چې محصلين د راتلونکي نوي نسل په توګه بايد د ټولو اسلامي اصولو او ارزښتونو سره اشنا شي.
د غونډې په دوام د پوښتنو ص نه دوق د پوهنتون د رهبري هیئت په حضور کې پرانستل شو، پوښتنپاڼې محصلينو ته ووېشل شوې او مسابقه پيل شوه.
