بدلون او تحول د شخصي او سازماني پرمختګ په لور.
د هرات پوهنتون د عامه ادارې او پالیسۍ پوهنځي په نوښت نن د دې پوهنځي د عامه اداری دیپارتمنت د فکر خونې لومړۍ غونډه د "بدلون او تحول د شخصي او سازماني پرمختګ په لور" تر سرلیک لاندې ترسره شوه.
د دې غونډې هدف د خبرو اترو هنر لوړول، د انتقادي فکر پراختیا، د ذهن خلاصون، او د انتقاد منلو روحیې پیاوړتیا په ګوته شوی و. په لومړۍ غونډه کې، غړو د مثبت بدلونونو په شخصي او سازماني وده کې د رول په اړه بحث او خبرې وکړې او خپلې تجربې او نظریات یې شریک کړل.
همدارنګه د غونډې فضا تعاملي او خوځنده بلل شوې وه او په ځانګړي ډول په داسې مناسبه زمینه جوړولو ټینګار وشو چې د ګډ فکر لپاره فرصتونه برابر کړي او د انفرادي او سازماني کړنو د ښه والي لپاره نوښتګرې لارې ومومي.
دا فکر خونه د همکارانو او محصلانو لپاره د فکري او عملي مهارتونو د پیاوړتیا په لور یو ارزښتناک فرصت ګڼل شوی دی.
