د (حقوقي قواعدو په تدوین کې د امام ابو حنیفه (رح) فقهي مجمع رول) تر سرلیک لاندې علمي سمینار دایر شو.
د (حقوقي قواعدو په تدوین کې د امام ابو حنیفه (رح) فقهي مجمع رول) تر سرلیک لاندې علمي سمینار دایر شو.
د (د حقوقي قواعدو په تدوین کې د امام ابو حنیفه (رح) فقهي مجمع رول) تر سرلیک لاندې علمي سمینار د افغانستان د عروج استدیو له خوا د هرات پوهنتون ریاست په همکارۍ د مولانا جامي د کنفرانسونو په سالون کې چې د هرات پوهنتون د شرعیاتو پوهنځي کې واقع دی دایر شو.
لومړی د قاري مشهود وقاف په غږ د الهي کلام د څو آیتونو په تلاوت سره سمینار پیل شو، وروسته دوکتور فضل احمد احمدي د بین المللي اسلامي حقوقو ته په تمرکز سره د سمینار علمي موضوع ( د حقوقي قواعدو په تدوین کې د امام ابو حنیفه (رح) فقهي مجمع رول) وړاندې کړه او ورپسې پوهندوی دکتور عصمت الله محمدي د سمینار موضوع ته په کتو سره په حنفي مذهب کې د اعتدال او فقهي واقعیت ګرایي او د معاصرو حقوقو په پرمختګ کې د هغو د آثارو په اړه خبرې وکړې او توضیح یې ورکړه.
همدارنګه د هرات پوهنتون رئیس پوهندوی مولوي عبدالعزیز نعماني د سمینار له دایرونکو څخه د مننې ترڅنګ، د امام ابوحنیفه(رح) د شخصیت او دریځ، د امام ابوحنیفه له فقهې او حقوقو څخه بشپړ او جامع تعریف، فقهي او حقوقي بحثونو ته د امام صاحب د پاملرنې په اړه خبرې وکړې او سمینار یې جمع بندي کړ.
د دې سمینار په بهیر کې د هرات پوهنتون رئیس پوهندوی مولوي عبدالعزیز نعماني، دوکتور فضل احمد احمدي او پوهندوی دوکتور عصمت الله محمدي په حضور، په پنل کې د ګډون کوونکو سوالونو ته ځوابونه ورکړل شول.
په پای کې، مراسم په دعائیې سره پای ته ورسېدل.
د هرات پوهنتون د عامه پوهاوي او اړیکو آمریت
۱۲ صفر ۱۴۴۵- ۷ وږی ۱۴۰۲
