د لوړو زده کړو وزارت علمي معين دوکتور لطف الله خیرخوا د ملا علي القاري الهروي (رحمه الله) ټولنې استادانو او فاضلانو سره وکتل.
د لوړو زده کړو وزارت علمي معين، د علماؤ او فاضلانو په مجلس کې د ګډون له امله خپله خوښي څرګنده کړه او د دیني علومو د لوړ مقام او د هغې د ټولنې په پرمختګ او پرمختیا کې د اهمیت په اړه خبرې وکړې. هغه زیاته کړه چې الحمدلله د اسلامي نظام په راتګ سره علماؤ او فاضلانو ته یوه ښه موقع برابره شوې ده چې باید له دې موقع څخه په ښه توګه ګټه واخیستل شي.
نوموړي فاضلانو ته په نیت اصلاح، د اعتدال او منځلاریتوب په ساتنه او په علمي چارو کې په دقت باندې لازمې سپارښتنې وکړې. د لوړو زده کړو وزارت علمي معين ټینګار وکړ چې دغه اصول په ځانګړې توګه د علم او زده کړو په ډګر کې ځانګړی اهمیت لري او د ټولنې د علمي بنسټ په پیاوړي کولو کې اغېزمن رول لوبولی شي.
