د هرات پوهنتون د علمي شورا غونډه دایره شوه.
د هرات پوهنتون د علمي شورا غونډه دایره شوه.
د هرات پوهنتون د علمي شورا غونډه، د هرات پوهنتون رئیس پوهندوی مولوي عبدالعزیز نعماني، د محصلینو چارو مرستیال پوهندوی غلام حضرت حساس،د علمي معاونیت سرپرست پوهنمل رحیم بخش فقیر یار، د پوهنځیو د رئیسانو او د علمي شورا غونډې د نورو غړو په حضور د پوهنتون د علمي څېړنو مرکز په سالون کې دایره شوه.
غونډه د الهي کلام د ایاتونو په تلاوت سره پیل شوه او وروسته د پوهنتون رئیس پوهندوی مولوي عبدالعزیز نعماني د هېواد مرکز ته د اخیرني سفر د لاسته راوړنو او همدارنګه د خوست شیخ زاید پوهنتون، د طبیعي علومو درې ورځني سمپوزیم کې د ګډون په اړه د غونډې حاضرینو ته خبرې وکړې وه یې ویل: له نېکه مرغه د دې سفر په ترڅ کې د ا.ا.ا له مقاماتو سره لیده کاته او د هرات ولایت مقام په همکارۍ، د هرات پوهنتون د طب پوهنځي یوه اصلي ستونزه او اندېښنه د کادري روغتون نه درلودل و چې حل شوه او ډېر ژر به د دې پوهنځي د کادري روغتون د کار د پیل شاهد واوسو.
همدا رنګه د هرات پوهنتون رئیس د لوړو زده کړو وزارت د ۴۱۲ میلونه افغانیو بودیجې په اړه خبرې وکړې وه یې ویل: په پام کې ده چې یاد مبلغ د پوهنتونونو د څېړنیزو علمي چارو سرته رسولو او د پوهنځیو د لابراتوارونو د تجهیز لپاره به د ځانګري معینۀ کړنلارې مطابق مصرف شي چې په لومړي قدم کې د دې علمي مرکز د تعلیم تربیې او ساینس پوهنځي به په لابراتواري پرمختللي تجهیزاتو مجهز او پوره شي.
همدارنګه ښاغلي نعماني د پوهنتون د استراتیژیک پلان، د پوهنځیو د عملیاتي پلانونو د پوره کېدو د ارزښت، د تضمین کیفیت برنامو مخته وړلو او د پوهنتون په علمي فعالیتونو کې د تضمین کیفیت د معیارونو د تطبیق کولو په اړه خبرې وکړې او د پوهنځیو او د اداري برخو مسؤلانو څخه د مننې ترڅنګ د هېواد لوړوزده کړو موخو ته د رسیدو په پار د لا ډېر کوښښ، دقت او همکارۍ غوښتونکی شو.
ورپسې، د غونډې ګډونوالو د پوهنتون ریاست فعالیتونو ته، د قدر په سترګه وکاتۀ او د همکارۍ ژمنې ورکولو ترڅنګ یې د غونډې اجنډا په اړه نظرونه تبادله کړل او لازمې پرېکړې یې ونیولې.
د هرات پوهنتون د عامه پوهاوي او اړیکو آمریت
۷ محرم ۱۴۴۴ - ۳ زمري ۱۴۰۲
