د هرات، غور او فراه پوهنتونونو د علمي کادر د جذب ازموینه ترسره شو.
د هرات، غور او فراه پوهنتونونو د علمي کادر د ازادې سیالۍ له لارې د جذب ازموینه د پوهنتون د علمي معاون مفتي هدایتالله منیب، د استادانو د چارو مسؤل پوهنمل رحیمبخش فقیریار، استادانو او د دې بستونو غوښتونکو په ګډون ترسره شو.
په یاده ازموینه کې ۵۰ کسانو ګډون وکړ او ټاکل شوې ده چې له دوی څخه ۱۰ کسان د دې درې پوهنتونونو د علمي کادر په بستونو کې جذب شي.
د پوهنتون علمي معاون، مفتی هدایتالله منیب، د ازموینې د ترسره کېدو په جریان کې د نظم، جديت او شفافیت ټینګار وکړ او ویې ویل چې د دې ازموینې موخه دا ده چې وړ او د لوړ علمي ظرفیت لرونکي کسان جذب شي، څو د لوړو زدهکړو په موسسو کې د تحصیلي کیفیت لوړولو لپاره کار وکړي.
هغه همدارنګه وویل چې د وړتیا پر بنسټ غوره کول او په منځ کې د باور رامنځته کول د دې بهیر له لومړیتوبونو څخه دي، او هڅه شوې ده چې ازموینه په عادلانه او شفافه فضا کې ترسره شي.
