د هرات پوهنتون د علمي شورا غونډه ترسره شوه
د هرات پوهنتون د علمي شورا غونډه د پوهنتون د رئیس شیخ عبدالغني حقاني صیب تر مشري لاندې د پوهنتون د مرستیالانو، د پوهنځیو د رئیسانو او د علمي شورا د نورو غړو په ګډون ترسره شوه. غونډه د قرآن کریم د آیاتونو په تلاوت سره پیل شوه او بیا د پوهنتون رئیس د محصلانو د تخصصي پوهې د انتقال اهمیت بیان کړ او ویې ویل: موږ د محصلانو او د دې ملت د ماشومانو په وړاندې مسؤلیت لرو چې تر ټولو زیار وباسو او د دین مقدس اسلام د ارزښتونو او ښه اخلاقو په ترویج یې ټینګار وکړ. د پوهنتون رئیس همدارنګه لارښوونه وکړه چې د غونډې غړي خپل اسناد د تضمن کیفیت د چکلست سره برابر کړي.
په دوام کې د پوهنتون مرستیالانو د پوهنځیو د اړتیاوو، د داخلي ارزونې د پیل، د حاضري د اهمیت، د پوهنتون د نصاب کمېټې سره د همکارۍ، د کنفرانسونو د ترسره کولو د همغږۍ، د فارغانو د کتاب د ترتیب، د محصلانو د نمراتو د HEMIS سیسټم کې ثبت، د خلاقیت او نوښت ټینګار، په اداري چارو کې د چټک رسیدګي، او په غزه کې د مظلومو خلکو سره د مرستې په بهیر کې د همکارۍ په اړه خبرې وکړې.
په پای کې د علمي شورا غړو د تقرر، ترفیع او انفکاک دوسیې وکتلې او د پوهنځیو په کچه د تفاهمنامو د کمېټې د جوړولو په اړه بحث او تبادل نظر وسو او د محصلانو د چارو مرستیال هم د دې مرستیالۍ د کارپوهانو کمېټې د فعالیتونو راپور وړاندې کړ.
