د پوهنتون د تضمین کیفیت آمریت له خوا د تحصیلي مرکزونو په کچه د اعتبار ورکولو سند د نویو چک لېستونو د څېړلو ورکشاپ
د پوهنتون د تضمین کیفیت آمریت له خوا د تحصیلي مرکزونو په کچه د اعتبار ورکولو سند د نویو چک لېستونو د څېړلو ورکشاپ د هرات پوهنتون رئیس پوهندوی مولوی عبدالعزیز نعماني، د پوهنتون مالي او اداري مرستیال منت الله آخندزاده، د پوهنتون د محصلینو چارو مرستیال پوهندوی غلام حضرت حساس، د پوهنتون د علمي معاونیت سرپرست او د استادانو چارو آمر پوهنمل رحیم بخش فقیر یار، د تضمین کیفیت، علمي تحقیقاتو او د فوق لیسانس پروګرامونو آمرانو، د پوهنځیو د رئیسانو، استادانو، او د پوهنځیو د کمیټو مسؤولینو په حضور د پوهنتون د علمي تحقیقاتو مرکز د کنفرانسونو په سالون کې دایر شو .
دا ورکشاپ د لوړو زده کړو وزارت د تضمین کیفیت د کتونکو او څېړونکو ډلې غړي پوهنوال دوکتور محمد یوسف امیني په واسطه مخ ته یوړل شو چې په دې ورکشاپ کې یې حاضرینو ته د تحصیلي مرکزونو په کچه د اعتبار ورکولو سند د نویو چک لېستونو په اړه معلومات ورکړل.
د یادونې وړ ده چې د هرات پوهنتون د تضمین کیفیت آمریت تر اوسه د پوهنځیو تضمین کیفیت برخو مسوؤلینو، د څانګو آمرانو، د اداري واحدونو آمرانو او مدیرانو ته او همدارنګه د دې تحصیلي مرکز د رهبري هیأت په کچه یې څلور زده کړیز ورکشاپونه دایر کړي دي.
د هرات پوهنتون د عامه پوهاوي او اړیکو آمریت
۱۸ شوال ۱۴۴۴ - ۱۹ ثور ۱۴۰۲
