د هرات پوهنتون د خپرنیزې کمیټې ناسته دایره شوه.
د هرات پوهنتون د عامه پوهاوي او اړیکو آمریت د خپرنیزې کمیټې ناسته د هرات پوهنتون رئیس شیخ الحدیث ابو الحکمت مفتی عبدالغفار او د دې کمیټې د غړو په حضور د هرات پوهنتون د ریاست په دفتر کې دایره شوه.
د هرات پوهنتون رئیس شیخ الحدیث ابو الحکمت مفتی عبدالغفار د کمیټې غړو ته د ښه راغلاست ویلو او د پوهنتون د عامه پوهاوي او اړیکو آمریت له کړنو او فعالیتونو څخه د ستاینې ترڅنګ، د عامه پوهاوي او اړیکو آمریت د خپرنیزو برنامو د ارزښت په اړه خبرې وکړې؛ د کمیټې له غړو یې وغوښتل چې د دې آمریت سره د خبرونو او د فرهنګي فعالیتونو د خپرولو په برخه کې د اړتیا وړ همکارۍ وکړي.
همدارنګه د هرات پوهنتون رئیس د ادارې د لاسته راوړنو او فعالیتونو د ښکاره کولو په برخه کې د ټولنیزو رسانیو د اړین رول په اړه خبرې وکړې وه یې ویل: له ټولنیزو رسانیو څخه په کار اخیستنې سره ادارې او سازمانونه کولای شي خپل اطلاعات، فعالیتونه او لاسته راوړنې ټولنې ته ور وپېژني او د خلکو ترمنځ د خپلو فعالیتونو او موخو لا زیاته پیژندنه رامنځ ته کړي.
ور پسې د ناستې غړو هم د پوهنتون رئیس د خبرو اورېدلو ترڅنګ، د هرات پوهنتون د ریپوټونو او خبرونو د خپرولو پر پاملرنې ټینګار وکړ او اعلان یې وکړ چې په دې برخه کې به د عامه پوهاوي او اړیکو آمریت سره همکار وي، وروسته د ناستې غړو د غونډې د آجندا په اړه خبرې او د نظریاتو تبادله وکړه او د اړتیا وړ تصمیمونه یې ونیول.
