د هرات پوهنتون د ليليې د محصلينو سره د دعوت او ارشاد د امر ناسته
د هرات پوهنتون د دعوت او ارشاد امر عبدالله طیب په داسې حال کې چې د دې پوهنتون علمي مرستيال محمد موسی فایق او نور علماوو کرامو ورسره ملګرتيا کوله د ليليې له محصلينو سره وليدل.
په دې ليدنه کې مولوي عبدالله طیب د حميده اخلاقو، له منکراتو څخه لرېوالی او د معروفاتو د ارزښت په باب محصلينو ته خبرې وکړې او په ډېر تاکيد سره يې د اخلاقي او ديني ارزښتونو په پابندۍ او ناوړه اعمالو څخه په لرېوالي وويل چې دا زموږ ټولو دنده ده، چې مراعات يې کړو. هغه همدارنګه د کافرو او محصلينو ترمنځ سرې کرښې را کاږلې او پر ایمان او تقوا يې ډېر تمرکز وکړ.
وروسته د هرات پوهنتون علمي مرستيال مولوي محمد موسی فایق د پوهنتون موخې محصلينو ته تشريح کړې، هغه وويل چې پوهنتون د علمي سطح د لوړولو ځای نه دی، بلکې د محصلينو اخلاقي او ديني روحيه پياوړې کول هم د پوهنتون له اهدافو څخه دي.
دا غونډه د محصلینو له تاوده هرکلي سره مخ شوه، محصلينو هيله څرګنده کړه چې د دې زده کړو په پیروئ به وکولای شي چې د اخلاقي او کاميابو خلکو په توګه په ټولنه کې نقش ولوبوي.
