رئیس پوهنتون هرات با رئیس معارف هرات دیدار کرد
پوهنوال دکتور عبدالله فایز رئیس پوهنتون هرات با زکریا رحیمی رئیس معارف درحالی‌که پوهندوی دکتور محمد داوود منیر معاون امور محصلان و پوهنوال بصیراحمد کریمی رئیس پوهنځی تعلیم وتربیه نیزحضور داشتند، پیرامون سهولت بخشیدن به جذب معلمان داخل خدمت به پوهنتون هرات صحبت نمودند.
دکتور فایز در مورد طرح پیشنهادی پوهنتون هرات برای بلند بردن ظرفیت های مسلکی معلمان داخل خدمت معارف ولایت هرات به وزارت تحصیلات عالی صحبت نمود.
وی گفت: در این سمستر پوهنحی تعلیم وتربیه 800 معلم را جذب خواهد کرد و همچنان آنعده از معلمانی که به اساس سیستم کریدت درس خوانده اند بدون امتحان وارد پوهنحی تعلیم وتربیه خواهند شد.
پوهندوی دکتور محمد داوود منیر معاون امور محصلان نیز با اعلان آمادگی برای جذب معلمان داخل خدمت و ایجاد سهولت های تحصیلی، بر دقت بیشتر بالای میکانیزم شمولیت ایشان به پوهنتون و اسناد تحصیلی به تفکیک سیستم کریدت و غیر کریدت تأکید نمود.
در ادامه رئیس معارف نیز ضمن تشکر از هیئت رهبری پوهنتون هرات خواهان همکاری های بیشتر پوهنتون برای بلند بردن ظرفیت های مسلکی معلمان معارف گردید
