تمهیدات پیرامون برگزاری امتحان کانکور ولایت هرات
پوهنمل رحیم بخش فقیریار سرپرست معاونیت علمی پوهنتون و پوهنوال عبدالشکور داور رئیس هیأت ممتحن کانکور وزارت تحصیلات عالی و هیأت همراه، با عبدالجلیل مزمل آمر تعلیمات تخنیکی ریاست معارف ولایت هرات دیدار نموده و پیرامون امتحان کانکور، اطلاع رسانی در مورد کانکور وسایر موارد مربوطه، صحبت و تبادل نظر نمودند.
همچنان به ادامه این دیدارها، هیأت رهبری پوهنتون هرات و رئیس کانکور ولایت هرات با دوکتور محمد آصف کبیر معاون و سرپرست ریاست صحت عامه ولایت هرات نیز دیدار نمودند و در مورد به اختیار گذاشتن تسهیلات و امکانات لازم در روزهای کانکور گفتگو کردند.
آمریت ارتباطات و آگاهی عامه پوهنتون هرات
21 محرم ١٤٤٥ – 17 اسد 1402
