د هرات ولایت د خصوصي پوهنتونونو سره د دعوتي چارو د همغږۍ غونډه
د هرات پوهنتون د دعوت او ارشاد آمریت د خصوصي پوهنتونونو د مشرانو سره د دعوتي چارو د همغږۍ یوه غونډه جوړه کړه، چې په کې د شیخ القرآن و الحدیث مولانا عبدالغني حقاني، د هرات پوهنتون رئیس، هم ګډون درلود.
په دې غونډه کې د هرات پوهنتون رئیس د خصوصي پوهنتونونو د مشرانو او د دعوت او ارشاد د آمران د ښه راغلاست په ترڅ کې، د علم او علماوو ارزښت او د دوی مؤثر رول د ټولنې په اصلاح او پرمختګ کې بیان کړ. هغه ټینګار وکړ چې علم د یوې سالمې ټولنې د روزنې بنسټ دی او د علماوو او علمي بنسټونو مسؤلیت د ځوان نسل فکري لارښودنه خورا اړینه ده.
وروسته مولانا عبدالغني حقاني د امر بالمعروف او نهی عن المنکر د ارزښت په هکلهه خبرې وکړې او ویې ویل چې دا د یو مسلمان او مسؤل شخص بنسټیزه ځانګړتیا ده. هغه زیاته کړه چې مسلمان باید خپل ځان د کفارو د کلتور سره پرتله نه کړي، بلکې لازمه ده چې د اسلامي کلتور ریښتینی ارزښت په ټولنه کې، په ځانګړي ډول په علمي او پوهنتونونو چاپېریال کې، پلي شي او دا کلتور په سمه توګه محصلینو ته انتقال شي. همدارنګه هغه د علمي بنسټونو د کارکوونکو او مسؤلانو په سیرت او ظاهر بشپړه پاملرنه ټینګار کړه.
په پای کې د هرات پوهنتون رئیس د خصوصي پوهنتونونو له مشرانو وغوښتل چې د دعوت او ارشاد د آمران سره جدي همکاري وکړي او د علمي او دعوتي پروګرامونو په فعال ګډون سره، په تعلیمي چاپېریال کې د اسلامي او اخلاقي ارزښتونو د پیاوړتیا لپاره اغېزناکه برخه ولري.
