د ویب سایټ د تغذیې په اړه غونډه
د هرات پوهنتون د علمي مرستیال مولوي محمد موسی فایق تر مشرۍ لاندې نن په هرات پوهنتون کې د ویب سایټ د تغذیې په اړه غونډه وشوه. په دې غونډه کې چې د کمپیوټر ساینس پوهنځي رئیس او نورو غړو هم په کې ګډون کړی ؤ، لومړی مولوي محمد موسی فایق په خپل وخت د ویب سایټ پر تغذیې باندې ټینګار وکړ. نوموړي په خپلو خبرو کې وویل چې د شفافیت په موخه باید د هرات پوهنتون ویب سایټ هر وخت ژر ژر آپډيټ شي، تر څو پر هرات پوهنتون باندې د خلکو باور لا زیات شي.
د هرات پوهنتون علمي مرستیال ښاغلي مولوي محمد موسی فایق د یادې کمېټې له ټولو غړو وغوښتل چې په جدیت سره کار وکړي، تر څو خلک وکولای شي چې د هرات پوهنتون له سایټ څخه نوي معلومات په خپل وخت تر لاسه کړي.
د غونډې په دوام د کمیټې غړو هم خپل نظرونه د چارو د ښه ترسراوي په موخه یو له بل سره شریک کړل.
