**د «معیاري ارزونې» ښوونیز ورکشاپ ترسره شو **
د هرات پوهنتون د مسلکي پراختیا مرکز آمریت د علمي کادر غړو د علمي او مسلکي وړتیاوو د لوړولو په موخه د «معیاري ارزونې» د تدریسي مهارتونو یو ورځنی ښوونیز ورکشاپ د هرات پوهنتون د شپاړسو پوهنځیو د ۱۵۰ تنو استادانو لپاره ترسره کړ.
یاد ورکشاپ د زراغت پوهنځي د غونډو په تالار کې د ښوونې او روزنې پوهنځي د علمي کادر غړي پوهاند بصیر احمد کریمي له خوا وړاندې او مدیریت شو.
په دې ښوونیز ورکشاپ کې د معیاري اکاډمیکې ارزونې بنسټیز مفاهیم، د معیاري او دودیزې ارزونې ترمنځ توپیر، د ښوونیزو موخو، درسي محتوا او ارزونې له طریقو سره سم د معیاري ارزونې د طرحې اصول، د معیاري پوښتنو ځانګړنې او د پوښتنو د طرحې عامې تېروتنې، د ازموینو د بېلابېلو ډولونو پېژندنه، د ګډونوالو له خوا د درسي موخو پر بنسټ د یوې معیاري پوښتنې عملي طرحه، د زدهکړو د ارزونې د لارو ډلهییزه شننه او ارزونه او همدارنګه د محصلانو د ګډون او خلاقیت د پیاوړتیا لارې چارې په علمي او عملي بڼه تشریح او وڅېړل شوې.
