د هرات پوهنتون مالي آمر، د عمومي تکنالوژۍ مدیر او د تدارکاتو آمران معرفي شول.
نن د بېلو ( جداګانه) مراسمو په لړ کې نثار احمد قاسمي د پوهنتون د تهیه، تدرکاتو او خدماتو د آمر، صدام سعیدي د حسابۍ او مالي آمر، سید معروف سادات د معلوماتي تکنالوژۍ د آمر او محمد همایون محمدي د معلوماتي تکنالوژۍ د عمومي مدیر په توګه خپلو همکارانو ته ور وپېژندل شول.
د هرات پوهنتون مالي او اداري مرستیال ملا انعام الله انعام د پوهنتون له پخوانیو آمرانو څخه د قدردانۍ ترڅنګ، د هغو فعالیتونه د قدر وړ وبلل، په اداري بستونو کې تغییر او تبدیل یې یو عادي امر وبالۀ او هغه یې مراجعینو ته د لا ښه خدماتو وړاندې کولو فرصت ونوموۀ .
همدارنګه مالي او اداري مرستیال له هغو څخه وغوښتل چې په ژمنې، رښتینولۍ او پشتکار سره اړوند چارې مخته یوسي تر څو دا علمي مرکز وکولای شي په غوره ممکن ډول تحصیلي او اداري خدمات وړاندې کړي.
ورپسې جدید التقرر آمرانو د لوړو زده کړو وزارت او د هرات پوهنتون ریاست له حسن نظر څخه قدر داني وکړه او ژمنه یې وکړه چې د دندو په ترسره کولو کې به له هیڅ ډول هڅې او کوښښ څخه ډډه ونه کړي .
