د ژورناليزم او عامه اړيکو پوهنځي د غوره ويناوال سيالۍ پايلي اعلان شوې
د هرات پوهنتون د ژورناليزم او عامه اړيکو پوهنځي د فرهنګي کمېټې له لوري د محصلانو ترمنځ د غوره وينا سيالۍ پايلي د يوې غونډې په ترڅ کي اعلان سوې.
په دې غونډه کي د ژورناليزم او عامه اړيکو پوهنځي رئیس پوهنيار ذبيح الله عرفان، استادانو او محصلانو ګډون درلود.
دا غونډه د قرانکريم د قرانکريم د څو آيتونو په تلاوت راپيل شوه، چي وروسته د فرهنګي کمېټې مسؤل پوهنيار امان الله پښتون له لوري غوره ويناوالو ته مبارکي وويل شوه او هغه ددې سيالۍ د دايرولو څخه موخه د محصلانو مسلکي او عملي ظرفيت لوړول ياد شول.
د پوهنځي رئیس پوهنيار ذبيح الله عرفان له لوري د سيالۍ ټول ګډونوال او په ځانګړي ډول دري تنه غوره بريالي ويناوال محصلان وستايل سوه، نوموړي محصلانو ته د اسلامي او عصري زده کړو کولو ترڅنګ د مسلکي هنرونو پر
پياوړتيا باندي ټينګار وکړ.
د يادوني وړ ده، چي په دې سيالۍ کي د لومړي ټولګي محصل عصمت الله افغان لومړی، همايون کاکړ دوهم او مرتضی مقام زاده بیا دريم مقام په خپل نوم کړ، چي وروسته غونډه په دعا کولو سره پای ته ورسيده.
