شیخ الحدیث مولانا عبدالهادي ذو الهادي د هرات پوهنتون د محصلانو چارو د معاون په توګه وټاکل شو.

nta_new_user
سه‌شنبه ۱۴۰۳/۹/۲۷ - ۱۴:۴۶
img

نن د یوې غونډې په ترڅ کې چې د هرات پوهنتون د رئیس شیخ القرآن او الحدیث مولوي عبدالغني حقاني حفظه الله، د پوهنتون معاونانو، پوهنځیو رئیسانو، استادانو او کارکوونکو په شتون کې جوړه شوې وه، شیخ الحدیث مولانا عبدالهادي ذو الهادي د محصلانو چارو د معاون په توګه خپلو همکارانو ته معرفي شو.
د هرات پوهنتون رئیس شیخ القرآن او الحدیث مولوي عبدالغني حقاني حفظه الله د پوهندوی غلام حضرت حساس د هڅو او کارونو ستاینه وکړه، چې مخکې یې د محصلانو چارو معاونیت پر غاړه درلود. هغه مولانا عبدالهادي ذو الهادي ته د نوې دندې مبارکي وویله او د الله تعالی څخه ورته په نوي مسؤولیت کې د بریا دعا وکړه.
د پوهنتون رئیس په ادارو کې بدلونونه یو عادي او ضروري امر وباله او ویې ویل چې دا بدلونونه د لوړو زده کړو وزارت د علمي اهدافو او پروګرامونو د پلي کولو په موخه ترسره کېږي.
هغه له ټولو کارکوونکو او مسؤلینو وغوښتل چې د صداقت او ژمنتیا له مخې د پوهنتون د علمي او اداري خدمتونو د ښه‌والي او پرمختګ لپاره هڅه وکړي.
ورپسې، شیخ الحدیث مولانا عبدالهادي ذو الهادي، چې د هرات پوهنتون د محصلانو چارو نوی معاون دی، د لوړو زده کړو وزارت او د پوهنتون ریاست له باور څخه مننه وکړه او ژمنه یې وکړه چې د الله تعالی په مرسته او د مخکینیو مسؤلینو له تجربو په ګټې اخیستنې به د محصلانو د خدمتونو د ښه‌والي او د دې څانګې د اداري چارو په ښه کولو کې هڅه وکړي.
په پای کې، پوهندوی غلام حضرت حساس، چې مخکې یې د محصلانو چارو معاونیت په غاړه درلود، شیخ الحدیث مولانا عبدالهادي ذو الهادي ته مبارکي وویله او د دې معاونیت د بېلابېلو برخو له دوامدارې او ارزښتناکې همکارۍ څخه یې مننه وکړه. هغه له ټولو همکارانو وغوښتل چې د نوي معاون سره هم د تېر په څېر همکاري وکړي، ترڅو محصلانو ته لا غوره خدمات وړاندې شي.
ـــــــــــــــــــــــــــــــــــــــــــــــــــــــــ

تازه ترین اخبار

پنجشنبه ۱۴۰۴/۱/۷ - ۱۰:۲
Background image

پروژه نهال‌شانی و کاشت گل‌های زینتی در پوهنتون هرات آغاز شد.

معاونیت مالی و اداری پوهنتون هرات، در راستای تطبیق برنامه نهال‌شانی ۲۵ هزاری این معاونیت، امروز با همکاری دفتر برنامه توسعه‌ای سازمان ملل متحد (UNDP)، غرس نهال‌های زینتی را آغاز کرد.
. . .

پنجشنبه ۱۴۰۴/۱/۷ - ۱۰:۱
Background image

محفل تقدیر از محصلان ممتاز پوهنتون هرات برگزار شد.

معاونیت امور محصلان محفل تقدیر از محصلان لایق و ممتاز پوهنتون هرات را با حضور شیخ عبدالغنی حقانی، رئیس پوهنتون هرات، شیخ عبدالهادی ذوالهادی، معاون امور محصلان، آمر انسجام خدمات محصلان،. . .

پنجشنبه ۱۴۰۴/۱/۷ - ۹:۵۸
Background image

کنفرانس علمی «فواید روزه از دیدگاه علوم طبی» در پوهنتون هرات

پوهنځی ستوماتولوژی پوهنتون هرات کنفرانس علمی را تحت عنوان «فواید روزه از دیدگاه علوم طبی» به هدف بررسی تأثیرات مثبت صحی روزه  برگزار کرد.
این کنفرانس توسط پوهنیار دکتور ابوعلی لطیف رئیس. . .

BACK TO NEWS