د هرات پوهنتون د ستوماتولوژي پوهنځي د محصلانو د تيوري دورې پای

nta_new_user
شنبه ۱۴۰۳/۶/۱۷ - ۸:۵۵
img

د ستوماتولوژي پوهنځي فرهنګي کمېټې د ۴۷ تنو محصلانو د تيوري دورې د پای ته رسېدو په مناسبت محفل نيولی و. 
په دې محفل کې د هرات پوهنتون رئيس شيخ الحديث ابوالحکمت مفتي عبدالغفار، د ستوماتولوژي پوهنځي رئيس پوهنمل ابوعلي لطيف، د هرات د ستوماتولوګانو د اتحاديې رئيس ډاکټر اميد ارين، د ادبياتو پوهنځي رئيس پوهندوی فضل احمد فضل، استادانو او محصلينو د زراعت پوهنځي د کنفرانسونو په سالون کې ګډون کړی وو. 
په پيل کې د هرات پوهنتون رئيس شيخ الحديث ابوالحکمت مفتي عبدالغفار فارغ شوو محصلينو ته تبريکي وويلو تر څنګ د هغوی زحمتونه وستايل. د هغوی دا زحمتونه يې د دې ځورېدلي ملت د دردونو د روغتيا لامل وګڼل. دغه راز يې د تحصيل کړو ځوانان نقش د هېواد په پرمختګ او بيا جوړونه کې بارز وګاڼه. 
همدارنګه د هرات پوهنتون رئيس د عصري زده کړو پر اړتيا باندې هم ټينګار وکړ او ويې ويل: چې د هر ملت د ودې او پراختيا له پاره د ديني علومو ترڅنګ عصري علومو ته ډېره اړتيا ده، تر څو هر ځوان په پوره اخلاقي او انساني توګه عصري علوم هم ترلاسه کړي. 
د غونډې په دوام د ستوماتولوژي پوهنځي رييس پوهنمل دوکتور ابوعلي لطيف هم محصلينو ته د مبارکي ويلو تر څنګ د پوهنځي بېلابېلې برخې د غونډې ګډونوالو ته ور پېژندې، د دې پوهنځي فعاليتونه او لاسته راوړنې يې واضح کړې. 
ده همداراز ټينګار وکړ چې د ستوماتولوژي پوهنځي د ټولنې په سلامتيا کې ډېر رول لري. په همدې خاطر يې د هرات پوهنتون له رهبرۍ څخه وغوښتل چې د دوی د پوهنځي ته لا ډېره توجه او همکاري وکړي.
دغه راز دوکتور لطيف د خپلې پوهنځي له استادانو او محصلينو څخه مننه او هيله يې څرګنده کړه چې د دوی په همکارۍ به وکولای شي چې د ټولنې په سلامتيا کې لا بارز نقش ولوبوي.

وروسته د ژبو او ادبياتو پوهنځي رئيس پوهندوی فضل احمد فاضل او د هرات د ستوماتولوګانو د اتحاديې رئيس اميد آرين محصلينو ته مبارکي وويله او له هغوی نه يې وغوښتل چې په پوره ژمنتيا سره ټولنې ته خدمت وکړي. 
وروسته د محصلينو اولياوو څخه يوه تن د هرات پوهنتون له رهبرۍ څخه مننه وکړو. 
بيا د محصلینو له ډلې څخه يوه محصل ډاکټر صالح نورمريانيوال د خپلې پوهنځي له رئيس او استادانو نه مننه وکړه. 
وروسته تقدير نامې ووېشل شوې. 

تازه ترین اخبار

پنجشنبه ۱۴۰۴/۱/۷ - ۱۰:۲
Background image

پروژه نهال‌شانی و کاشت گل‌های زینتی در پوهنتون هرات آغاز شد.

معاونیت مالی و اداری پوهنتون هرات، در راستای تطبیق برنامه نهال‌شانی ۲۵ هزاری این معاونیت، امروز با همکاری دفتر برنامه توسعه‌ای سازمان ملل متحد (UNDP)، غرس نهال‌های زینتی را آغاز کرد.
. . .

پنجشنبه ۱۴۰۴/۱/۷ - ۱۰:۱
Background image

محفل تقدیر از محصلان ممتاز پوهنتون هرات برگزار شد.

معاونیت امور محصلان محفل تقدیر از محصلان لایق و ممتاز پوهنتون هرات را با حضور شیخ عبدالغنی حقانی، رئیس پوهنتون هرات، شیخ عبدالهادی ذوالهادی، معاون امور محصلان، آمر انسجام خدمات محصلان،. . .

پنجشنبه ۱۴۰۴/۱/۷ - ۹:۵۸
Background image

کنفرانس علمی «فواید روزه از دیدگاه علوم طبی» در پوهنتون هرات

پوهنځی ستوماتولوژی پوهنتون هرات کنفرانس علمی را تحت عنوان «فواید روزه از دیدگاه علوم طبی» به هدف بررسی تأثیرات مثبت صحی روزه  برگزار کرد.
این کنفرانس توسط پوهنیار دکتور ابوعلی لطیف رئیس. . .

BACK TO NEWS